الدكتور هشام البدري استاذ ورئس قسم القانون العام بكلية الحقوق جامعة المنوفيه ، وصل البدري لهذا المنصب عن جداره واستحقاق وبمجهوده بعد تعب سنين ومذاكره وسهر ، مكنش ابوه عميد كليه ولا استاذ دكتور في جامعه بالعكس كانوا ناس بسيطه ومحبين للعلم وربنا كرمهم وابنهم طلع قيمه وقامه كبيره جدا ، منذ اليوم الاول للبدري وهو في كلية الحقوق وهو رافض رفضاً قاطعا كل صور الواسطه والمحسوبيه والضلال ، كان يعطي كل ذي حقٍ حقه حتى ، وهذه هي مشكلته ، نعم هي مشكلته وهي انه حقاني وعارف ربنا ومبيخافش غير من ربنا . اقول عليها مشكله لأن للأسف في هذا الزمن لابد لك ان تكون معدوم الضمير و مطبلاتي حتى تتلقي رضا الناس ، ، القصة بإختصار انه دكتور متعينش بالكوسة والمحسوبية لا ده اتعين بمجهوده وتقديره وتفوقه بالتالي ده كان له دور كبير في ان ضميره يمنعه لما يشوف مخالفه جسيمه بتحصل في كلية زي كلية الحقوق اللي هي المفترض انها قلعة العدل والمساواه .. المخالفة الجسيمه دي هو قالها في اكتر من تصريح ولقاء تلفزيوني ان في بعض الدكاترة في الكلية بيضغطوا عليه لأجل تسريب الامتحانات لأولادهم واولاد احبابهم فالدكتور رفض فضغطوا عليه وبدأوا يمارسوا تجاهه ضغوط زي عزله من رئاسة القسم وده لان عميد الكلية نفسه كان مشترك معاهم ! اضافة الا انهم منعوه من وضع الامتحانات والتصحيح ولما ملقوش اي تغير في مبادئه الراسخه بدأوا يلعبوا على وتر إبنه اللي كان موجود في نفس الجامعه وبدأوا يظلموه في التصحيح لدرجة انه اضطر لنقل ابنه لجامعة تانية ! مكتفوش بكده ﻷ !! ده وصل بيهم الأمر انهم يطلعوا عليه شائعات واكاذيب واتحدوا فيما بينهم لحد الموضوع ماوصل لعزله من الكلية كلها بقرار صدر من رئيس الجامعة !! الموضوع مخلصش على كده ده حاليا رافعين عليه قضية سب وقذف ونزلها جلسة 8 / 4 / 2020 جنايات شبين الكوم الدائرة الأولى وطبعا برغم انها سب وقذف يعني جنحة لكن بيتم نظرها امام الجنايات لان المجني عليه هو موظف عام اللي هو عميد الكلية .. احنا كطلبة وحتى خريجيين عارفين ان كلام الدكتور ده صح وكان بيحصل ادام عنينا بالتالي احنا اقل حاجة نقدمها للدكتور هو اننا نقف جنبه ونسانده عشان النموذج ده مش كتير والله في كليتنا وانتوا عارفين كده لان حرام دكتور زي ده كان عايز يساوي بين الطلبة وميفرقش بينهم ع اساس ده ابن مين ! يتشوه بالشكل ده .. الدكتور بيطلب منا نساعده ونقف جنبه ياترى هنخيبه ؟
ارجوكم اعملوا شير في كل حته وخليكم واقفين في ضهره لحد مايرجع حقه .و الاستاذ اسامه علاء يتبني الدفاع عنه ويناشد كل المحامين بالتواجد معكه يوم القضية
